Аграр ва озиқ-овқат соҳаларида қонунчилик ижроси назорати масалаларига бағишланган малака ошириш курси якунланди

Бош прокуратура Академиясида “Аграр ва озиқ-овқат соҳаларини ривожлантиришга оид қонунчилик ижроси устидан назорат” мавзусидаги малака ошириш курси ниҳоясига етди.

Мазкур 3 ойлик малака ошириш курсида Қорақалпоғистон Республикаси, вилоятлар ҳамда туман (шаҳар) прокуратуралари ходимлари ишдан ажралмаган ҳолда масофавий таълим шаклида ўқитилди.

Машғулотлар дастури доирасида аграр ва озиқ-овқат соҳаларини ривожлантириш, қишлоқ хўжалиги учун ер участкалари ажратиш, сув ва гидротехника иншоотларидан фойдаланиш ҳамда сақлаш, мева-сабзавотчилик ва полизчиликка оид қонунчилик ижроси устидан прокурор назорати масалалари бўйича машғулотлар ўтказилди.

Курс якунида имтиҳондан муваффақиятли ўтган тингловчиларга сертификатлар берилиши таъминланди.