Таянч докторантурага қабулнинг саралаш босқичи якунига етди

Бош прокуратура Академияси докторантурасига ўқишга кириш учун талабгорлар учун чет тилидан имтиҳон бўлиб ўтди.

Имтиҳон Ўзбекистон Республикаси Вазирлар Маҳкамасининг Олий ўқув юртидан кейинги таълим тўғрисидаги Низоми талабларига тўлиқ риоя қилинган ҳолда амалга оширилди.

Кириш имтиҳони Ўзбекистон давлат жаҳон тиллари университети кафедра мудири, филология фанлари доктори Х.Палуанова раислигидаги Ўзбекистон давлат жаҳон тиллари университети ҳамда Бош прокуратура академияси мутахассисларидан иборат комиссия томонидан ўтказилди.

Имтиҳон талабгорларнинг топшираётган юридик фанлар ихтисосликлари йўналишида ҳамда илмий тадқиқот мавзулари доирасида савол-жавоб тарзда ўтказилди.

Имтиҳон якунида комиссия аъзолари хорижий давлатлар қонунчилик тажрибасини чуқур ўрганиш, таҳлил қилиш ҳамда тадқиқот натижаларини миллий қонунчиликни такомиллаштириш жараёнида қўллаш учун тил билишнинг аҳамияти катта эканлигини таъкидлаб, номзодларни имтиҳондан муваффақиятли ўтганликлари билан табрикладилар.

Бош прокуратура Академияси таянч докторантурасига қабул ўз ниҳоясига етди.