Ижтимоий соҳада қонунчилик ижроси устидан прокурор назоратини услубий таъминлаш йўлида

Бош прокуратура Академияси томонидан “Ижтимоий соҳада қонунчилик ижроси устидан прокурор назорати” номли услубий қўлланма тайёрланди.

Мазкур қўлланма прокуратура органларининг ижтимоий соҳада қонунчилик ижроси устидан назорат йўналишидаги фаолиятини йўналтириш, мавжуд норматив ҳужжатлар мазмуни билан таништириш, текширишга тайёргарлик босқичида таҳлил учун зарурий маълумотлар ва текшириш ўтказиш жараёнида ўрганилиши лозим бўлган масалаларни ёритиб бериш орқали услубий таъминлаш мақсадида ишлаб чиқилган.

Шу билан бирга, қўлланма соҳага оид назорат объектлари, уларни текшириш тартиби, механизмлари ва бошқа масалаларни қамраб олган.

Бугунги кунда ушбу услубий қўлланмани вилоятлар ва уларга тенглаштирилган прокуратуралар ҳамда барча туман-шаҳар прокуратураларига етказиш чорлари кўрилмоқда.