Тошкент шаҳар Чилонзор туманида амалга оширилаётган “Хавфсиз ҳудуд” лойиҳаси доирасида учрашув

Ўзбекистон Республикаси Бош прокуратура Академияси томонидан Тошкент шаҳар Чилонзор туманида амалга оширилаётган “Хавфсиз ҳудуд” лойиҳаси экспертлар гуруҳининг навбатдаги учрашуви бўлиб ўтди.

Учрашув Вена шаҳридаги БМТнинг Гиёҳвандлик ва жиноятчилик бўйича бошқармасининг жиноятларни олдини олиш ва жиноий судлов бўлими вакили, шаҳар хавфсизлиги лойиҳаси координатори Н.Греллье  иштирокида ўтказилиб, унда БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий вакиллари,  шунингдек, халқаро ва миллий экспертлар  қатнашишди.

Тадбир конструктив ва самарали ўтди, миллий экспертлар лойиҳа доирасида амалга оширилган тадқиқот натижалари асосида ишлаб чиқилган хулоса ва таклифлардан иборат якуний ҳисоботни тақдим этдилар.

Шунингдек, йиғилиш иштирокчилари якуний тадбирни ташкил этиш ва ўтказиш, жумладан, 2021 йил 6 декабр куни “Hyatt Regency” меҳмонхонасида ўтказилиши режалаштирилган оммавий ахборот воситалари учун брифинг ҳамда манфаатдор вазирлик ва идоралар иштирокидаги ҳисобот тақдимотини муҳокама қилдилар.