Бош прокуратура Академиясида “Заковат” интеллектуал ўйини ташкил этилди

Ўзбекистон Республикаси Бош прокуратураси Aкадемияси томонидан  Олий ва ўрта махсус таълими вазирлиги ҳамда Ёшлар ишлари агентлиги  билан ҳамкорликда Талабалар ижтимоий-медиа маcканида Ўзбекистон Республикаси Конституцияси қабул қилинганининг 29 йиллиги муносабати муносабати билан “Заковат” интеллектуал ўйини ташкил этилди.

Интеллектуал ўйинда Aкадемия магистратурасининг “Прокурорлик фаолияти”, “Тергов фаолияти”, “Коррупцияга қарши курашиш”, “Инсон ҳуқуқларига оид халқаро ҳуқуқ” йўналишларида таҳсил олаётган тингловчилардан иборат 4 жамоа беллашди.

Тадбирда Бош прокуратура, Aкадемия, Олий ва ўрта махсус таълим вазирлиги ҳамда Ёшлар ишлари агентлиги вакиллари, “Заковат” интеллектуал ўйини асосчиси Aбдурасул Aбдуллаев, шунингдек оммавий ахборот воситалари вакиллари иштирок этди.

Ўйин аввалида сўз олганлар иштирокчиларни Конституциямиз қабул қилинганининг 29 йиллиги билан табриклаб, жорий йилда ушбу муҳим байрамга бағишлаб Академия магистратураси тингловчилари “Заковат” телеўйини сифатида ўтказишга бел боғлаганликлари уларнинг юқори даражадаги интеллектуал салоҳияти ҳамда миллий байрамларимизни нишонлашга бўлган ижодий ёндашувининг ёрқин намунаси эканлигини таъкидладилар.

Ушбу тадбир Aкадемия тингловчиларининг миллий қонунчилик ҳамда прокуратура ва бошқа ҳуқуқни муҳофаза қилувчи органлар фаолиятидан хабардорлик даражаси, шунингдек тингловчиларнинг тезкор ва мантиқий фикрлаш қобилиятини яна бир бор баҳолаш имконини берди.

Ўйин “Заковат” интеллектуал ўйинининг профессионал бошловчиси Aбдурасул Aбдуллаев томонидан тузилган ҳуқуқни муҳофаза қилиш соҳасига оид мантиқий саволлар асосида ташкил этилди.

Саволларга жамоалар томонидан ёзма жавоблар тақдим этилди. Иштирокчилар билимини баҳолашда жавобларнинг тезкорлиги, мантиқий асосланганлиги, фикрнинг қисқа ва иҳчам тарзда баён этилганлигига алоҳида эътибор қаратилди.

Шунингдек, тадбир иштирокчиларига кўтаринки кайфият улашиш мақсадида таниқли санъаткорлар иштирокида мусиқий дастур ҳам ташкил этилди.

Тадбир якунида ўйин ғолиблари ва фаол иштирок этган иштирокчилар Бош прокурорнинг махсус совғаси ҳамда бир қатор номинациялар бўйича фахрий ёрлиқлар билан тақдирланди.