Коррупцияга қарши курашиш бўйича танлов ғолибларини тақдирлаш маросими ўтказилди

Жорий йилнинг 9 декабрь куни Коррупцияга қарши курашиш агентлиги томонидан Бош прокуратура Академияси ва бошқа давлат идоралари, шунингдек халқаро ташкилотлар билан ҳамкорликда коррупцияга қарши курашиш ҳафталиги доирасида «Коррупцияга қарши биргаликда курашамиз» танлови ғолибларини тақдирлаш маросими ўтказилди.

Танловда республиканинг барча ҳудудларидан 200 нафардан ортиқ иштирокчилар «Энг яхши ижтимоий видеоролик», «Энг яхши мақола (блог, пост) муаллифи», «Энг яхши ижтимоий видеоролик сценарийси», «Дастурий маҳсулот (сайт, мобил илова) яратиш бўйича энг яхши концепция», «Коррупциявий хавф-хатарлар бўйича энг яхши таҳлилий маълумот ва инновацион ғоя» номинацияларида иштирок этдилар.

Тантанали маросимда танловнинг ҳар бир номинацияси бўйича ғолибларга қимматбаҳо совринлар топширилди.