АНОНС

Халқаро илмий-амалий конференция ўтказилиши ҳақида

2021 йил 16 декабрь куни Hyatt Regency Tashkent меҳмонхонасида Ўзбекистон Республикаси прокуратура органлари ташкил этилганлигининг 30 йиллигига бағишлаб  “Ўзбекистон прокуратураси: кеча, бугун ва эртага” мавзусида халқаро илмий-амалий  конференция ўтказилади.

Конференция Ўзбекистон Республикаси Бош прокуратураси томонидан ЕХҲТнинг Ўзбекистондаги лойиҳалари Координатори офиси, БМТнинг Гиёҳвандлик ва жиноятчилик бўйича бошқармасининг Марказий Осиёдаги Минтақавий ваколатхонаси,  «Минтақавий мулоқот» ХННТ ва бошқа халқаро ташкилотлар кўмагида ташкил этилди.

Конференция дастурида “Прокуратуранинг ташкилий-ҳуқуқий асослари ва фаолиятини ривожлантириш истиқболлари” мавзусида ялпи сессия, шунингдек “Прокуратура органларининг фуқаролар ҳуқуқ ва эркинликлари, давлат ва жамият манфаатлари ҳимоясини таъминлашдаги роли” ҳамда “Прокуратура органларининг жиноятчиликка қарши курашиш фаолиятидаги ўрни” мавзуларида параллел сессиялар ўтказилиши назарда тутилган.

Бошланиши  соат 9:30да, рўйхатга олиш соат 9:00да.

Халқаро илмий-амалий конференция якунига кўра илмий мақола ва тезислар тўплами нашр этилиши режалаштирилган.

Мақола ва тезисларга қўйилган талаблар (ҳавола).