Аксилкоррупция хафталиги доирасида маҳорат дарси ўтказилди

Ўзбекистон Республикаси Бош прокуратураси Академияси томонидан 9 декабрь – Халқаро коррупцияга қарши курашиш кунига бағишланган Аксилкоррупция хафталиги доирасида Ўзбекистон Республикаси Жамоат хавфсизлиги университетида «Иқтисодиётни рақамлаштириш шароитида коррупцияга қарши курашиш» мавзусида университет курсантлари учун маҳорат дарси ўтказилди.

Кун тартибидаги масала юзасидан Бош прокуратура Академияси профессори, ю.ф.д. В.Каримов, «Коррупцияга қарши курашишда ҳуқуқни муҳофаза қилувчи органлар олдида турган долзарб вазифалар» мавзусида маъруза қилди.

Давра суҳбатида университетнинг курсантлари, профессор-ўқитувчилари иштирок этишди.

Маҳорат дарсида ҳозирги кунда Ўзбекистон Республикасида коррупцияга қарши курашиш аҳволи, бу борада ҳуқуқни муҳофаза қилувчи органлар ходимларининг ҳуқуқий онги ва ҳуқуқий маданиятини юксалтириш, ҳуқуқни муҳофаза қилувчи органлар ва жамоатчилик вакилларининг ҳамкорлиги, ушбу соҳадаги тадбирлар сифати ва самарадорлигини ошириш борасида фикр алмашилди.