Академияда илмий унвон олиш учун махсус имтиҳон бўлиб ўтди

 Ўзбекистон Республикаси Бош прокуратураси Академиясида 2021 йил 23 декабрь куни илмий унвонга талабгорлар учун “Давлат ва жамият қурилиши тизимини такомиллаштириш, қонун устуворлиги, иқтисодиётни ривожлантириш ва либераллаштириш ҳамда ижтимоий ривожланишнинг илмий асослари ва амалий йўналишлари” фанидан имтиҳон бўлиб ўтди.

Имтиҳон давлат ва жамият қурилиши, таълим ва фан, ҳуқуқни қўллаш ва иқтисод соҳаларида илмий ва амалий тажрибага эга бўлган олимлар ва экспертлардан иборат комиссия томонидан ўтказилди.

Имтиҳонда Тошкент давлат юридик университети, Юристлар малакасини ошириш маркази ва Қуролли Кучлар Академиясидан талабгорлар иштирок этди.

Имтиҳон жараёнида талабгорларнинг фаолият кўрсатаётган соҳа, улар олиб бораётган илмий изланишлар ёки касбий фаолиятининг Ўзбекистон Республикасини янада ривожлантириш бўйича Ҳаракатлар стратегияси ва унинг методологиясига  мувофиқлиги, шунингдек унинг мазмун-моҳияти юзасидан билим ва тажрибалари синовдан ўтказилди.

Имтиҳонни муваффақиятли топширган талабгорларга белгиланган намунадаги сертификатлар тақдим этилди