Илмий ходимларни тайёрлаш йўлидаги ҳамкорлик

Ўзбекистон Республикаси Бош прокуратураси Академияси, Судьялар олий мактаби ва  Инсон ҳуқуқлари бўйича Ўзбекистон Республикаси Миллий маркази билан имзоланган ўзаро ҳамкорлик тўғрисидаги меморандумлар доирасида илмий семинар бўлиб ўтди.

Гибрид шаклда (онлайн ва оффлайн) ўтказилган мазкур идоралараро тадбирда Бош прокуратура Академияси, Судьялар олий мактаби ва Инсон ҳуқуқлари бўйича Ўзбекистон Республикаси Миллий марказининг профессор-ўқитувчилари, докторантлари, мустақил изланувчилари ҳамда магистратура тингловчилари иштирок этди.

Унда Бош прокуратура Академияси бошлиғининг ўринбосари, ю.ф.д., проф. М.М.Мамасиддиқов “Илмий-тадқиқот ишларини амалга ошириш тартиби ва талаблари” мавзусида маъруза қилди.

Семинар очиқ мулоқот шаклида ўтди, тадқиқотчилар ўзларини қизиқтирган барча саволларига тўлиқ ва амалий жавоблар олишди.

Учрашув якунида илмий семинарларни мунтазам равишда ўтказишга ҳамда идоралараро ҳамкорликни янада мустаҳкамлашга келишиб олинди.