Илмий тадқиқотларни амалга ошириш бўйича кўникмаларни шакллантириш йўлида

2020 йил 11 сентябрь куни Бош прокуратура Академиясида Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази томонидан Академия ҳузурида ташкил этилган юридик фанлар фан доктори (DSc) ва фалсафа доктори (PhD) илмий даражасини берувчи Илмий кенгаш аъзолари билан ҳамкорликда “Илмий тадқиқот ишларига қўйиладиган талаблар” мавзусида илмий семинар ташкил этилди.

Семинарда Бош прокуратура Академияси профессор-ўқитувчилари, докторантлари ва мустақил изланувчилари иштирок этдилар. Тадбирда марказ бошлиғи, ю.ф.д., проф. М.М.Мамасиддиқов, Илмий кенгаш котиби, кафедра бошлиғи ю.ф.ф.д. Х.А.Каримов ва кафедра ўқитувчиси, ю.ф.н., доцент, Э.Т.Ходжиевларнинг маърузалари тингланди.

Маърузачилар томонидан диссертация ва авторефератни тайёрлаш, уларни расмийлаштиришга қуйиладиган талаблар, тадқиқот натижаларини амалиётган жорий этиш тартиби ва талаблари бўйича батафсил маълумотлар берилди.

Тадбир баҳс-мунозараларга бой тарзда ўтиб, иштирокчилар ўзларининг қизиқтирган саволларига жавоб олдилар.