Коррупцияга қарши курашиш соҳасидаги халқаро ҳамкорликнинг навбатдаги босқичи

Бош прокуратура Академияси фаолиятининг асосий йўналишлари бўйича, шу жумладан коррупцияга қарши курашиш соҳасида халқаро ҳамкорликни тизимли равишда амалга ошириб келмоқда.

Мазкур фаолият доирасида Aкадемия эксперт сифатида катта тажрибага эга бўлган етакчи халқаро мутахассисларни жалб этиб келмоқда.

2022 йил 3 февраль куни коррупцияга қарши курашиш соҳасидаги халқаро эксперт, 2010–2019 йилларда Халқаро aнтикоррупция aкадемияси (IACA) ректори лавозимида ишлаб келган профессор Мартин Кройтнер Академияга ташриф буюрди. 2001 йилдан 2010 йилгача М.Кройтнер Aвстрия Ички ишлар Федерал бюросига раҳбарлик қилиб, унинг раҳбарлигида мазкур бюро Aвстрия Федерал антикоррупция бюросига ўзгартирилди.

Ташрифдан кўзланган асосий мақсад коррупцияга қарши илмий-тадқиқот ва таълим, жумладан, масофавий таълимни ривожлантиришнинг илғор тажрибасини ўрганиш ва жорий этиш, Бош прокуратура Академиясида коррупцияга қарши таълимнинг методик асосларини янада ривожлантиришдан иборат.

            Дастлаб илмий-таълим соҳасидаги ҳамкорликнинг устувор йўналишларини муҳокама қилиш ва келгусида экспертлар мулоқотини кенгайтириш мақсадида М.Кройтнернинг Aкадемия раҳбарияти билан учрашуви бўлиб ўтди.

Академиядаги фаолити давомида халқаро эксперт иштирокида илмий-тадқиқот ва коррупцияга қарши таълим соҳасида миллий экспертлар салоҳиятини юксалтиришга қаратилган тренерлар учун тренинг ўтказиш назарда тутилган.

Шунингдек, мутахассис иштирокида “Коррупцияга қарши курашиш фаолияти” йўналиши бўйича магистратура талабалари учун коррупцияга қарши курашишда фанлараро ва тармоқлараро ёндашувларни қўллаш бўйича курс ташкил этилди.

Халқаро экспертнинг Академияга ташрифи USAID нинг Ўзбекистондаги ҳуқуқни ислоҳ қилиш дастури кўмагида ташкил этилди.

Эслатиб ўтамиз, аввалроқ М.Кройтнер Бош прокуратура Академиясининг кейинги йилдан ишга туширилиши режалаштирилган “Коррупцияга қарши халқаро ҳуқуқ” (The LLM (legum magister) in International Anti-Corruption Law)  магистрлик дастурини ишлаб чиққан.