Бош прокуратура Академиясида Ўзбекистон Республикаси Жиноят кодекси терминлари луғати тайёрланди

Бош прокуратура Академияси Тил ўргатиш кафедраси томонидан Академия тингловчилари, магистрлари ҳамда амалиётчи ходимлар учун Ўзбекистон Республикаси Жиноят кодекси терминлари луғати – Terms of Criminal Code of Uzbekistan тайёрланди.

Мазкур қўлланма (луғат) икки қисмдан иборат бўлиб, биринчи қисмида  Ўзбекистон Республикаси Жиноят кодекси терминлари ўзбек, рус ва инглиз тилларида келтириб ўтилган.

Қўлланманинг иккинчи қисмида жиноят ҳуқуқи доирасида энг кўп қўлланиладиган сўз ва бирикмалар рўйхати шакллантирилган бўлиб, бунда тингловчининг атамаларни инглиз тилида қўллай олиш қобилиятини кучайтириш мақсадида таржималар инглиз тилида изоҳли луғат сифатида келтирилган.

Қўлланма амалиётчи ходимлар ва тингловчилар учун юридик инглиз тилида сўзлашиш ва ёзиш малакаларини ривожлатиришга хизмат қилади.