Хорижий экспертлар иштирокидаги навбатдаги илмий семинар

Ўзбекистон Республикаси Бош прокуратураси Академияси томонидан анъанавий “фан соати” доирасида навбатдаги илмий учрашув ташкиллаштирилди.

Тадбирда Бош прокуратура Академияси, Инсон ҳуқуқлари бўйича Ўзбекистон Республикаси миллий маркази, Судьялар олий мактаби, Тошкент давлат юридик университети, Юристлар малакасини ошириш маркази, Жамоат хавфсизлиги университетининг профессор-ўқитувчилари, илмий ходимлари, мустақил изланувчилар ва докторантлари иштирок этдилар.

Илмий семинарни Англиянинг Манчестер университети профессори Крис Торнхил ва Швециянинг Лунд университети Ҳуқуқ социологияси департаменти доценти, Ҳуқуқ социологияси соҳасида фалсафа фанлари доктори Рустамжон Ўринбоев ўтказишди.

Онлайн ва офлайн форматда бўлиб ўтган тадбирда илмий-тадқиқот ишларига қўйилган талаблар, суд ва ҳуқуқни қўллаш амалиётини такомиллаштиришда илмий-тадқиқотларнинг ўрни, юридик соҳада илмий-тадқиқотларни олиб боришдаги замонавий методларнинг ўрни, шунингдек хорижий мамлакатларда илмий тадқиқот фаолиятини амалга оширишнинг ўзига хос хусусиятлари каби масалалар муҳокама қилинди.

Тадбир баҳс-мунозараларга бой тарзда ўтиб, ёш олимлар ва тадқиқотчилар ўзларини қизиқтирган саволларига жавоб олдилар.