Халқаро эксперт иштирокида “Коррупцияга қарши кураш” магистратура дастурининг янги ўқув курси бошланди

Академия магистратурасининг “Коррупцияга қарши кураш” йўналиши тингловчилари учун халқаро эксперт М.Кройтнер иштирокида янги ўқув курси ташкил этилди.

Мартин Кройтнер – профессор, коррупцияга қарши курашиш соҳасидаги халқаро эксперт. 2010–2019 йилларда Халқаро aнтикоррупция aкадемияси (IACA) ректори лавозимида ишлаб келган, 2001 йилдан 2010 йилгача М.Кройтнер Aвстрия Ички ишлар Федерал бюросига раҳбарлик қилиб, унинг раҳбарлигида мазкур бюро Aвстрия Федерал антикоррупция бюроси cифатида шаклланди.

Мазкур ўқув курси коррупцияга қарши кураш соҳасидаги таълим ва илмий тадқиқотлар соҳасида фанлараро ва тармоқлараро ёндашувни қўллаш, коррупцияга қарши амалиётда инновацион фикрлаш ва профессионал кўникмаларни ривожлантиришга қаратилган.

Курс ҳозирги замон муаммолари ва коррупцияга қарши кураш соҳасидаги энг илғор амалиётини ҳисобга олган ҳолда тушунчалар ва амалий чораларга йўналтирилган бир қатор фанлараро ўқув модуллардан иборат.

Талабалар коррупциянинг турли хил кўринишлари, ҳуқуқ, сиёсатшунослик, тарих, иқтисодиёт, криминология, социология, коррупцияга қарши масалалар бўйича инсон ҳуқуқлари соҳасидаги илмий тадқиқотлар ва воситалар билан танишиш имкониятига эга бўладилар.

Танқидий мулоҳаза юритиш, коррупцияга қарши кураш амалиётини, ахборот технологиялари имкониятларини турли ёндашувлар призмаси орқали ўрганиш коррупцияга қарши кураш ва тадқиқотлар соҳасидаги етакчи мутахассисдан ҳар томонлама тушунча ва тажриба олишга имкон беради.

Курс интерактив презентациялар, мунозарали форумлар, гуруҳ иши, мустақил ўқишдан иборат.

Тингловчилар коррупцияга карши курашиш хамда унинг олдини олиш буйича кўникмаларни ривожлантириш мақсадида юридик лабораторияда хамда амалиётчи олимлар иштирокидаги форумда иштирок этадилар.

Мазкур курсни муваффақиятли тамомлаган тингловчилар сертификатга эга бўладилар.