Навбатдаги малака ошириш курси бошланди

Академияда туман (шаҳар) прокурорларининг қонунчилик ижроси устидан назорат фаолиятини амалга оширувчи катта ёрдамчилари ва ёрдамчилари учун “Ижтимоий ва иқтисодий қонунчилик ижроси устидан прокурор назоратини таъминлашнинг долзарб масалалари” мавзусида малака ошириш курси машғулотлари бошланди.

144 соатдан иборат курс аралаш таълим шаклида ташкил этилган бўлиб, унинг курсининг 108 соати асосий иш жойидан ажралмаган ҳолда тўлиқ масофавий шаклда, 36 соати Академияда анъанавий ўқув машғулотлари шаклида амалга оширилади.

Малака ошириш курси дастури амалдаги қонунчиликка киритилган янгиликлар, уларнинг ҳуқуқни қўллаш амалиётига татбиқ этилиши, амалиётда мавжуд тизимли муаммолар ва камчиликлар, уларни ҳал этиш йўллари ҳамда ижтимоий ва иқтисодий соҳада қонунчилик ижроси устидан прокурор назоратини олиб боришнинг бошқа долзарб масалалари бўйича машғулотлар ўрин олган.

Ўқув курси якунида тингловчилардан имтиҳон ўтказилиб, унинг натижаларига кўра сертификатлар топширилади.