Жамоатчилик билан алоқалар ва ҳуқуқий ахборот бўйича масъул ходимлар учун малака ошириш курси ташкил этилди

Бош прокуратура Академиясида жорий йилнинг 21-26 февраль кунлари Ўзбекистон Республикаси Бош прокуратураси ҳузуридаги Мажбурий ижро бюросининг жамоатчилик билан алоқалар ва ҳуқуқий ахборот бўйича масъул ходимлари учун ташкил этилган малака ошириш курси ташкил этилди.

Курс мақсади тингловчиларнинг ҳаққоний ва холис ахборотни тезкорлик билан аҳолига етказишда самарали инструментларни қўллаш бўйича билим ва кўникмаларни мустаҳкамлашдан иборат.

Ўқув курси машғулотлари орқали тингловчиларда негатив ва фейк ахборот билан ишлаш, контент-стратегия ва медиа-режани шакллантириш, юридик риторика ва креатив PR-инструментларни қўллаш, «SMART» мақсадларни шакллантириш борасида амалий кўникмаларни шакллантириш назарда тутилган.

Ўқув курси машғулотларига Бош прокуратура Академияси ўқитувчилари билан бир қаторда Ўзбекистон Миллий ахборот агентлиги директорининг ўринбосари Хушнудбек Худойбердиев, Журналистика ва оммавий коммуникациялар университети, Халқаро ислом академияси ўқитувчилари жалб қилинди.

Ўқув курси жараёнида тингловчилар Xabar.uz, kun.uz электрон платформаси ходимлари билан давра суҳбатларда қатнашишлари режалаштирилмоқда.

Машғулотлар сўнгида тингловчиларга сертификатлар топширилади.