Академия доктарантлари ва мустақил изланувчилари учун навбатдаги синовлар

2022 йилнинг 22 февраль куни Бош прокуратура Академиясининг докторант ва мустақил изланувчилари ихтисослик ва чет тили бўйича малакавий имтиҳон топширди.

Имтиҳон Бош прокуратура Академияси, Жамоат хавфсизлиги университети, Инсон ҳуқуқлари бўйича Ўзбекистон Республикаси миллий маркази, Ички ишлар вазирлиги Академияси, Судьялар олий кенгаши ҳузуридаги Судьялар олий мактаби, Тошкент давлат юридик университетининг етакчи олимлари ҳамда Ўзбекистон давлат жаҳон тиллари университети тилшуносларидан иборат таркибда тузилган комиссия томонидан олиб борилди.

Имтиҳонда докторантлар ва мустақил изланувчиларнинг махсус фанлар ва чет тилини билиш даражасини аниқлаш мақсадида ҳамда мамлакатимизда суд-ҳуқуқ соҳасида амалга оширилаётган ислоҳотлар, изланувчилар томонидан олиб бораётган диссертация мавзуси доирасида мавжуд илмий муаммолар ва уларнинг ечимлари хусусида берилган саволларга жавоблар олинди.

Малакавий имтиҳонни муваффақиятли топширган тадқиқотчиларга гувоҳномалар берилди.