Навбатдаги электив малака ошириш курси бошланди

Прокуратура органлари ходимлари малакасини оширишда индивидуал ёндашувни таъминлаш мақсадида Академия томонидан тингловчиларнинг сўровлар жараёнида мунтазам аниқлаб келинаётан эҳтиёжларини инобатга олган ҳолда прокурор-тергов фаолиятининг турли йўналишларида электив курсларни ишлаб чиқиш ва ташкил этиш бўйича ишлар амалга оширилиб келмоқда.

Айни вақтда Академия томонидан Бухоро вилояти прокуроратураси раҳбарияти сўровига асосан Бухоро вилояти прокуроратурасининг қонунчилик ижроси устидан прокурор назоратини амалга оширувчи ходимлари учун малака ошириш курси ташкил этилди.

Малака ошириш курси тингловчиларнинг асосий иш жойидан ажралмаган ҳолда, Академиянинг ахборот-таълим портали воситасида масофавий шаклда ташкил этилди.

Курс дастури ҳудудий ўзига хослик ҳамда тингловчиларнинг эҳтиёжларин инобатга олган ҳолда ишлаб чиқилган бўлиб, амалдаги қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари ҳамда ижтимоий ва иқтисодий соҳаларда қонунчилик ижроси устидан прокурор назоратини амалга оширишнинг бошқа долзарб масалаларига оид ўқув машғулотларини ўз ичига олган.

Ўқув жараёни бошланишига тайёргарлик кўриш доирасида тингловчилар учун мазкур курснинг ташкилий масалаларига, масофавий курсни ўташ ва амалий топшириқларни бажариш тартибига бағишланган аудиоконференцалоқа тарзида семинар ташкил этилди.