Қишлоқ хўжалиги соҳасида малака ошириш курси бошланди

Аграр ва озиқ-овқат соҳаларини ривожлантиришга оид қонунчилик ижроси устидан назорат йўналишида фаолият юритувчи туман (шаҳар) прокурорларининг ёрдамчилари учун малака ошириш курслари  бошланди.

Малака ошириш курси аралаш шаклда ташкил этилган бўлиб, тингловчиларнинг асосий қисми иш жойидан ажралмаган ҳолда Академиянинг ахборот-таълим портали орқали масофавий тарзда ўқитилади, шунингдек курснинг якуний бир хафтаси давомида тингловчиларга анаънавий тарзда  машғулотлар  ўтказилади.

Курс дастурида амалдаги қонунчиликдаги янгиликлар, ҳуқуқни қўллаш амалиётидаги тизимли муаммо ва камчиликлар, уларни бартараф этиш йўллари ҳамда аграр ва озиқ-овқат соҳаларида қонун ҳужжатлари ижроси устидан прокурор назоратининг бошқа долзарб масалалари бўйича ўқув машғулотлари ўрин олган.

Ўқув жараёни бошланишига тайёргарлик кўриш доирасида тингловчилар учун аудиоконференция шаклида семинар ташкил этилиб, унда масофавий таълим курсини ташкил этиш ва ўтказиш, амалий топшириқларни бажариш тартиби тушунтирилди.