Активларни қайтариш бўйича Жанубий Африка тармоғининг Умумий йиллик йиғилишида иштирок этилди

Ўзбекистон Республикаси Бош прокуратураси Академияси вакиллари Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) Котибиятининг вазифаларини амалга оширишлари доирасида жорий йилнинг 9 март куни ARINSA – активларни қайтариш бўйича Жанубий Африка давлатлари идоралараро тармоғининг Умумий йиллик йиғилишида иштирок этишди.

Мазкур йиғилишда ARINSA тармоғига аъзо давлатлар (17 та жанубий ва шарқий Африка давлатлари), шунингдек онлайн тарзда активларни қайтариш бўйича бошқа тармоқлар вакиллари (CARIN, ARIN-CARIB, ARIN-AP, ARIN-EA, ARIN-WA, ARIN-WCA, RRAG) ҳамда Буюк Британия, Германия, БМТнинг Гиёҳвандлик ва жиноятчилик бўйича бошқармаси,
GIZ фонди экспертлари қатнашишди.

Тадбир иштирокчилари жиноий активларни қайтариш бўйича идоралараро тармоқларнинг бугунги кундаги аҳамиятини эътироф этишиб, ушбу тармоқларнинг самарадорлигини ошириш, давлатларнинг ушбу соҳадаги алоқалари, Covid-19 пандемиясининг мазкур тармоқларни молиялаштириш ва уларга техник кўмак кўрсатишга бўлган таъсири, давлатларнинг ARIN тармоқларининг барқарор ривожланиши учун келгусидаги чоралар бўйича таклифлари, шунингдек давлатларнинг активларни қайтариш билан боғлиқ қонунчиликларидаги янгиликларни муҳокама қилишди.

Йиғилиш якунида иштирокчилар келажакда муҳокама қилинадиган муҳим масалаларни белгилаб олишиб, ARIN доирасида фаол ҳамкорлик қилиш ва алоқаларни янада мустаҳкамлашга тайёр эканликларини билдиришди.