Иқтисодий қонунчилик асосларига бағишланган малака ошириш курси бошланди

Бош прокуратура Академиясида туман (шаҳар) прокурорларининг қонунчилик ижроси устидан назорат фаолиятини амалга оширувчи ўринбосарлари ҳамда ёрдамчилари иштирокида иқтисодий қонунчилик асосларига бағишланган малака ошириш курси ташкил этилди.

Мазкур курс ўқитишнинг аралаш (1+1) шаклида ташкил этилиб, масофавий ҳамда анъанавий ўқув машғулотларидан иборат.

Курс дастури давлатнинг молиявий сиёсати, давлат харидлари, банк фаолиятни ташкил этишнинг ҳуқуқий асослари, давлат молиявий назоратини амалга оширишда бюджет тизими бюджетларининг ғазна ижроси ҳамда солиқ текширувлари, давлатнинг молиявий назорати ва тафтишни ташкил этиш ва амалга ошириш тартиби  каби масалаларни қамраб олган.