Мажбурий меҳнат ва одам савдосига қарши курашишга оид қонунчилик ижроси бўйича малака ошириш курси бўлиб ўтмоқда

Туман (шаҳар) прокурорларининг ички ишлар органларида қонунчилик ижроси устидан назорат бўйича ўринбосарлари ҳамда ижтимоий ва иқтисодий соҳаларда қонунчилик ижроси устидан назорат бўйича ёрдамчилари учун мажбурий меҳнат ва одам савдосига қарши курашишга оид қонун бузилиши ҳолатларини аниқлаш, ҳужжатларни расмийлаштириш ҳамда ҳуқуқбузарларнинг ҳаракатларига ҳуқуқий баҳо бериш масалаларига бағишланган малака ошириш курси бошланди.

Мазкур курс тўлиқ масофавий шаклда ўтказилиши режалаштирилган бўлиб, тингловчилар машғулотларда асосий иш жойидан ажралмаган ҳолда Академиянинг ахборот-таълим портали орқали иштирок этадилар.

Курсдаги машғулотлар амалдаги қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари ҳамда мажбурий меҳнат ва одам савдосига қарши курашишга оид қонунчилик ижроси устидан прокурор назоратини амалга оширишнинг бошқа долзарб масалаларни ўз ичига олган.

Ўқув жараёни бошланишига тайёргарлик кўриш доирасида тингловчилар учун мазкур курснинг ташкилий масалаларига, масофавий курсни ўташ ва амалий топшириқларни бажариш тартибига бағишланган аудиоконференцалоқа  тарзида  семинар  ташкил  этилди.