Криминоген вазиятни барқарорлигини таъминлаш масалаларига оид ўқув курси ташкил этилди.

Бош прокуратура Академияси Ўзбекистон Республикаси Президенти ҳузуридаги Давлат бошқаруви академияси ҳамда Ички ишлар вазирлиги академияси билан ҳамкорликда ҳудудларни комплекс ижтимоий-иқтисодий ривожлантириш масалалари бўйича секторларга бошчилик қилувчи прокуратура, ички ишлар ва солиқ хизматининг ҳудудий органлари раҳбарлари учун ўқув курси ташкил этилди.  

Курс доирасида Бош прокуратура Академияси ходимлари томонидан криминоген вазият барқарорлигини таъминлаш муаммолари ва уларни бартараф этиш йўллари, ҳуқуқни муҳофаза қилувчи органларнинг ҳуқуқбузарликларнинг олдини олишда ҳамкорлик қилиш механизмлари ҳамда бошқарув қарорларини қабул қилиш каби долзарб масалалар юзасидан ўқув машғулотлари ўтказилди.

Тингловчилар, Тошкент шаҳри, Самарқанд ва Тошкент вилояти сектор раҳбарлари ўқув курсини ўз вақтида ташкил этилгани ҳамда секторларда криминоген вазият барқарорлигини ва жамоат хавфсизлигини таъминлаш бўйича ишларни самарали ташкил этишдаги аҳамиятини таъкидладилар.