Академияда барқарор ривожланиш соҳасидаги миллий мақсад ва вазифаларни амалга оширилиши юзасидан йиғилиш ўтказилди

Жорий йилнинг 11 апрель куни  Бош прокуратура Академиясида Ўзбекистон Республикаси Вазирлар Маҳкамасининг 21.02.2022 йилдаги “2030 йилгача бўлган даврда барқарор ривожланиш соҳасидаги миллий мақсад ва вазифаларни амалга оширишни жадаллаштириш бўйича қўшимча чора-тадбирлар тўғрисида”ги 83-сон қарори ижроси юзасидан Миллий барқарор ривожланиш мақсадларининг “Самарали бошқарув” йўналишига масъул бўлган вазирлик ва идоралар вакиллари иштирокида йиғилиш ўтказилди.

Бош прокурор ўринбосари, Миллий барқарор ривожланиш мақсадларининг “Самарали бошқарув” йўналиши бўйича экспертлар гуруҳи раиси Э.Т.Юлдашев йиғилиш иштирокчиларга мурожаат этиб, қарор билан белгиланган долзарб вазифалар ҳақида тўхталди ҳамда уларнинг ижросига барча мутасадди идоралар баҳамжиҳат ҳаракат қилишлари муҳимлигини таъкидлаб ўтди.

Бош прокуратура Академияси вакиллари томонидан, “Самарали бошқарув” эксперт гуруҳининг ишчи органи сифатида, барқарор ривожланиш соҳасидаги миллий мақсад ва вазифаларга эришиш бўйича ишларни тўғри ташкил этиш, кўрсаткичлар (индикатор)ларга оид маълумотларни тўплаш методологияси, эътибор қаратилиши лозим бўлган ҳолатлар ҳақида батафсил тушунтиришлар берилди.

Бундан ташқари, юқоридаги қарор ижроси юзасидан вазирлик ва идоралар масъул ходимларининг фикрлари эшитилди.

Муҳокама якуни бўйича зарур вазифалар белгилаб олинди.