Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар Академияси докторантларининг Бухоро ва Самарқанд вилоятлари прокуратураларига ташрифи

Жорий йилнинг 6-7 апрель кунлари Бухоро ва Самарқанд вилояти прокуратураларига Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар Академияси 8 нафар тадқиқотчи-докторантларининг ташрифи доирасида давра суҳбатлари бўлиб ўтди.

Тадбирлар давомида Бухоро вилояти прокурорининг ўринбосари Р.Зайниев ва Самарқанд вилояти прокурорининг халқаро-ҳуқуқий масалалар бўйича катта ёрдамчиси Ш.Амритдиновлар меҳмонларга бугунги кунда Ўзбекистонда прокуратура органлари тизимида амалга оширилаётган ҳуқуқий ислоҳотлар ҳақида маълумот бердилар.

Ўз навбатида, учрашувларда меҳмонлар ўзларининг докторлик диссертациялари бўйича олиб бораётган илмий-тадқиқот ишлари ҳамда Қозоғистон Республикаси ҳуқуқни муҳофаза қилувчи органлари тажрибаси билан ўзаро фикр алмашишди.

Тадбирларда ҳамкорликдаги фаолият юзасидан таклиф ва тавсиялар қабул қилинди.

Шунингдек, қозоғистонлик меҳмонлар қадимий Бухоро ва Самарқанднинг диққатга сазовор тарихий жойлари ва муқаддас зиёратгоҳларини томоша қилдилар.