Жойларда жиноятчилик аҳволини ўрганиш давом этмоқда

Академия томонидан ҳудудларда криминоген вазиятни таҳлил қилиш, мавжуд муаммоларни аниқлаш ҳамда уларни бартараф этиш бўйича таклифлар ишлаб чиқиш амалиёти давом этмоқда.

Хусусан, жорий йилнинг апрель ойида Навоий вилоятида фаолият кўрсатаётган жиноятчилик содир этилиши сабабларини тизимли таҳлил қиладиган эксперт-таҳлил гуруҳларининиг фаолияти бевосита ҳудудга чиққан ҳолда ўрганилмоқда.

Ўрганишда эксперт-таҳлил гуруҳи такибига киритилган прокуратура, адлия, ички ишлар, меҳнат, соғлиқни сақлаш, божхона ва солиқ хизмати, нодавлат нотижорат ташкилотлари ва ўзини ўзи бошқариш органлари вакиллари билан учрашувлар ўтказилиб, уларда мазкур соҳада мавжуд муаммоларни бартараф этиш борасида ҳамкорликда амалга оширилиши лозим бўлган чора-тадбирлар белгиланмоқда. 

Жумладан, ҳозирги вақтга қадар учрашувлар Кармана, Навбахор, Конимех, Нурота ва Учқудуқ туманларида ўтказилиб, эксперт-таҳлилий гуруҳлар фаолияти таҳлил қилинди.

 Учрашувларда келгусида мазкур йўналишда амалга ошириладиган ишларга ахборот технологияларини янада кенг қўллаш масалалари муҳокама этилди.