Озарбайжон Республикаси делегациясининг Бош прокуратура Академиясига ташрифи

Ўзбекистон Республикаси Бош прокуратура Академиясига Озарбайжон Республикаси Бош прокурори К.Б. Алиев бошчилигидаги делегациясининг ташрифи амалга оширилди.

Меҳмонларга Академиянинг асосий йўналишлари фаолияти ҳамда амалга оширилаётган ишлар яқиндан таништирилди. Делегация томонидан Академияга, илмий марказлар фаолияти ва Академиянинг психологик таъминлаш бўлими фаолиятига алоҳида эътибор қаратилди.

Хусусан, яқин вақт ичида Академия делегациясининг Озарбайжон Республикаси Бош прокуратурасига хизмат сафарини ташкил этиш бўйича келишувга эришилди.

Учрашув конструктив руҳда ўтди, иштирокчилар томонидан ўзаро манфаатли соҳалардаги ҳамкорлик истиқболлари юзасидан фикр алмашинилди.