Мурожаатлар асосида прокурорлар томонидан фуқаролик, маъмурий, иқтисодий ишларни ўрганишда ва суд ҳужжатларига протест келтиришда қонунийликни таъминлаш масалаларига бағишланган малака ошириш курси ўтказилди

Бош прокуратура Академиясида туман (шаҳар) прокурорлари ва уларга тенглаштирилган прокурорларнинг ёрдамчилари иштирокида “Фуқаролар ва юридик шахсларнинг мурожаатлари асосида фуқаролик, маъмурий ва иқтисодий ишларни ўрганиш ва суд ҳужжатларига протест келтириш масалаларида қонунийликни таъминлаш” мавзусида малака ошириш курси ўтказилди.

Мазкур малака ошириш курси “3+1” тизими асосида аралаш шаклда ўтказилиб, бир қисми тингловчилар учун иш жойидан ажралмаган ҳолда масофавий ва якуний қисми бевосита Академияда бўлиб ўтди.

Тингловчиларнинг масофадан ўзлаштирган билим ва кўникмалари аудитория машғулотларида мустақил амалий топшириқларни бажариш, муаммоли вазиятларни таҳлил қилиш, казуслар ечимини топиш воситасида мустаҳкамланди.

Малака ошириш курси якунида тингловчилардан имтиҳон олиниб, курсни мувафаққиятли тамомлаганларга тантанали равишда сертификатлар топширилди.