Рига олий ҳуқуқ мактаби делегацияси билан учрашув

Академия раҳбариятининг Рига олий ҳуқуқ мактаби директори И. Раценая бошчилигидаги делегация ҳамда Латвия Республикасининг Ўзбекистондаги фавқулодда ва мухтор элчиси Р. Трокша билан учрашуви бўлиб ўтди.

Учрашувда меҳмонларга Академиянинг кадрлар тайёрлаш ва уларнинг малакасини ошириш, таълим функциясини амалга ошириш ва илмий-тадқиқот ишлари бўйича амалга оширилаётган ишлари ҳақида маълумот берилди. Ўз навбатида, делегация томонидан Рига Олий ҳуқуқ мактаби фаолияти тажрибаси ҳақида маълумотлар тақдим этилди.

Академиянинг “Халқаро ҳуқуқда инсон ҳуқуқлари” магистратура йўналиши бўйича ҳамкорликни янада ривожлантириш, томонларни қизиқтирган мавзуларда қўшма тренинг ва семинарлар ўтказиш масалалари муҳокама қилинди.

Учрашув сўнгида томонлар ўзаро алоқаларни янада мустаҳкамлашга ва ҳамкорликни ривожлантиришга келишиб олдилар.