“Терговга қадар текширувнинг айрим масалалари” мавзусида малака ошириш курси бошланди

Мазкур малака ошириш курсига туман (шаҳар) прокуратуралари ва уларга тенглаштирилган прокуратуралардан жами 29 нафар терговчилар жалб қилинди.

Ўқув курси дастурига кўра, ўқув машғулотлари жорий йилнинг 18 апрель кунидан 23 апрель кунига қадар Бош прокуратура Академиясида анъанавий шаклда ўтказилади.

Ўқув курсининг мақсади – тингловчиларнинг прокуратура органларида дастлабки терговни ташкил этиш асослари, қасддан одам ўлдириш ва пора олиш жиноятларини тергов қилиш усуллари, тергов фаолиятини режалаштириш бўйича малакасини ошириш.

Курс якуни бўйича иштирокчиларга сертификатлар берилади.