Бош прокуратура Академиясида “Судларда жиноий ишларни кўрилишида прокурор ваколатини таъминлаш” мавзусида дарслик тайёрланди

Бош прокуратура Академияси катта ўқитувчиси Д.Довудова томонидан Академия тингловчилари, магистрлари ҳамда амалиётчи ходимлар учун “Судларда жиноий ишларни кўрилишида прокурор ваколатини таъминлаш” мавзусида дарслик тайёрланди.

Ушбу дарсликда жиноий суд ишларини юритиш жараёнида прокурор ваколатини таъминлашнинг тарихий ривожланиши, назарий тушунчалар, ҳуқуқий асослар, биринчи инстанция ва юқори судларда жиноий ишларни кўрилишида прокурор иштирокининг процессуал асослари, жиноятлар учун жазо тайинлаш асосларининг прокурорлар учун аҳамияти, прокурор нутқи, унинг тузилишига нисбатан талаблар ва суд музокарасидаги иштироки, процессуал ҳужжатларга қўйилган талаблар ва уларнинг намуналари, ҳуқуқни қўллаш амалиётида йўл қўйилаётган камчиликлар, мазкур соҳада хорижий ва МДҲ давлатларининг процессуал нормалари ва бошқа бир қатор масалалар баён этилган.

Бундан ташқари, материаллар ўзлаштирилишини осонлаштириш учун дарсликда тингловчиларнинг билимларини оралиқ ва жорий назорат қилиш имконини берувчи назорат топшириқлари (мавзулар бўйича назорат саволлари, тестлар ва казуслар) берилган.

Дарслик жиноий суд ишларини юритишда прокурор ваколатини таъминлаш фаолиятини амалга ошираётган ходимларга, Академия тингловчилари ҳамда магистрларига яқин кўмакчи бўлиб хизмат қилади.