Малайзия коррупцияга қарши курашиш академияси директори Хаджи Идрис бин Заҳарудиннинг Бош прокуратура Академиясига ташрифи

2022 йил 16 май куни Академияда Малайзия Коррупцияга қарши курашиш Академияси (МКҚКА) директори Хаджи Идрис бин Заҳарудиннинг ташрифи амалга оширилди.

Ташриф давомида меҳмонга Академия фаолиятининг асосий йўналишлари батафсил таништирилди. Ўзбекистон Республикаси
ва Малайзия коррупцияга қарши курашиш Академияси ўртасида ҳамкорликнинг ривожлантириш бўйича “Йўл ҳаритаси” ижросини амалга ошириш босқичлари ҳақида фикр алмашинилди.

Хусусан, Ўзбекистон Республикаси Бош прокуратураси билан Малайзия Коррупцияга қарши курашиш комиссияси ўртасида Таълим фаолияти соҳасида ҳамкорлик Меморандумни имзоланиши масалалари муҳокама қилинди.

Шунингдек, Малайзиялик эксперт томонидан Академия магистратура тингловчилари ва ходимлар учун коррупцияга қарши курашиш мавзусида маҳорат дарслари ўтказилди ҳамда МКҚКА фаолияти тўғрисида батафсил маълумотлар берилди.

Мазкур учрашув якунларига кўра, Академия раҳбарлиги ва МКҚКА директори томонидан ўзаро ҳамкорлик истиқболлари юзасидан аниқ қадамлар белгиланди.

Шу билан бирга, Хаджи Идрис бин Заҳарудиннинг 17 май куни Академия томонидан “Юридик Таълимдаги Инновациялар: Мавжуд Муаммо ва Янги Имкониятлар” мавзусида ташкил этилган халқаро илмий-амалий конференциянинг ялпи ва параллел сессияларида нутқ сўзлаб иштироки амалга оширилди.