Франция миллий магистратура мактаби делегацияси вакиллари билан учрашув

Ўзбекистон Республикаси Бош прокуратураси Академияси раҳбариятининг Франция миллий магистратура мактабининг (ENM) узлуксиз таълим бўйича директор ўринбосари Элоди Малассис, Халқаро ҳамкорлик бўлими лойиҳа менежери Флоренс Гилбер ва Халқаро ҳамкорлик лойиҳаси раҳбари Лейла Бронкар билан учрашуви бўлиб ўтди.

Учрашув давомида томонлар Ўзбекистон Республикаси Бош прокуратураси Академияси ва Франция Республикаси миллий магистратура мактаби ўртасида имзоланган ҳамкорлик Меморандуми асосида ўзаро ҳамкорликнинг асосий йўналишларини ва қўшма лойиҳаларни амалга ошириш масалаларини муҳокама қилдилар.

Шунингдек, меҳмонлар Ўзбекистон Республикаси Бош прокуратураси Академияси томонидан Академия ташкил топганлигининг 4 йиллиги муносабати билан ташкил этилган “Юридик таълимдаги инновациялар: долзарб муаммолар ва янги имкониятлар” мавзусидаги Халқаро илмий-амалий конференциянинг ялпи ва параллел сессияларида иштирок этишди.

Халқаро илмий-амалий конференцияда Франция миллий магистратура мактаби бошланғич таълим ва тадқиқотлар бўйича директор ўринбосари Самуель Лейнэ ялпи мажлисда “Юқори малакали мураббийлар орқали олий мартабали судялар
ва прокурорларни тайёрлаш” мавзусида маъруза билан онлайн иштирок этди.

Шунингдек, Франциянинг уч нафар экспертидан иборат делегация
ва Франциянинг миллий магистратура мактаби вакиллари Тошкент шаҳрида Aкадемия билан ҳамкорликда Франция Мусодара қилинган активларни қайта ишлаш ва қайтариш агентлиги (AGRASC), ХННТ “Минтақавий мулоқот” ҳамда Франция Коррупцияга қарши курашиш агентлиги (AFA) кўмаги доирасида “Мол-мулкни хатлаш ва мусодара қилиш - коррупцияга қарши курашиш воситаси сифатида” мавзусида семинар ташкил этди.