«Жиноят ишларини тергов қилиш: назария ва амалиёт» мавзусида малака ошириш курси ўз ишини бошлади

Бош прокуратура Академияси томонидан «Жиноят ишларини тергов қилиш: назария ва амалиёт» мавзусида терговчи лавозимига илк бор тайинланган прокуратура органлари ходимлари учун қисқа муддатли мажбурий малака ошириш курси ташкил этилди.

Ўқув курси ProАcademy ахборот-таълим портали воситасида масофавий шаклда ўтказилади.

Курс дастуридан ҳодиса содир бўлган жойни кўздан кечиришнинг умумий қоидалари, прокуратура органларида дастлабки терговни ташкил этиш асослари, қасддан одам ўлдириш жиноятини тергов қилиш усуллари, пора олиш жиноятини тергов қилиш тактикаси, криминалистик версиялар ва тергов фаолиятини режалаштиришга оид мавзулар ўрин олган.

Курс якуни бўйича иштирокчиларга сертификатлар берилади.