Қирғизистон Республикаси Бош прокуратураси вакилларининг ташрифи бўлиб ўтди

Бош прокуратура Академияси раҳбариятининг Қирғизистон Республикаси Бош прокуратурасининг Прокуратура ходимларини касбий тайёрлаш маркази директори Азамат Молдобаев ҳамда Жиноий, фуқаролик процесслари ва суд қарорлари ижросини назорат қилиш департаменти прокурори Чўлпон Асилбекова билан учрашув бўлиб ўтди.

Учрашувда томонлар жорий йилда Тошкентда Ўзбекистон Республикаси Бош прокуратураси Академияси ҳамда Қирғизистон Республикаси Бош прокуратурасининг Прокуратура ходимларини касбий тайёрлаш маркази ўртасида ўзаро ҳамкорлик тўғрисидаги Меморандумни имзолашга оид ташкилий масалаларни муҳокама қилишди.

Меҳмонлар Академия фаолияти йўналишлари, таълим жараёнини, шу жумладан, масофавий таълимни жараёнини ташкил этиш, мультимедиа студияси, криминалистик полигон, электрон тир, ахборот-ресурс маркази билан батафсил танишишди.

Шунингдек, иккала давлатнинг прокуратура органлари ўқув муассасалари профессор-ўқитувчилари ўртасида тажриба алмашиш ва уларнинг малакасини ошириш масалалари муҳокама қилинди.