Педагогик (андрагогик) ва илмий фаолият бўйича ўқув курси бошланди

Бош прокуратура Академияси томонидан профессор-ўқитувчиларнинг касбий маҳоратини ошириш, илмий-таълим жараёнига инновацион технологиялар ва методикаларни жорий этиш борасида тизимли ишлар олиб борилмоқда.

Академияга ишга янги қабул қилинган профессор-ўқитувчиларнинг педагогика, андрагогика ва ўқитиш методикаси соҳасидаги ҳамда илмий-тадқиқот фаолиятини амалга ошириш борасидаги билим ва кўникмаларни шакллантириш ва ривожлантириш мақсадида “Педагогик (андрагогик) ва илмий фаолият” мавзусидаги навбатдаги мажбурий ўқув курси ташкил этилди.

Мазкур ўқув курси 12 та тренингдан иборат бўлиб, жорий йилнинг 30 май кунига қадар давом этади.

Курс иштирокчиларда Академиянинг таълим, илм-фан ва амалиётнинг узвий боғлиқлигини таъминлаш борасидаги мақсад ва вазифаларини амалга ошириш, зарур таълим дастурларини тайёрлаш ва амалга ошириш, андрагогикада самарали ўқитиш методикаларини қўллаш, ўқув жараёнини режалаштириш ва ташкиллаштириш, тингловчиларнинг ўзлаштиришини баҳолаш ва таълим сифати мониторинги бўйича зарур компетенцияларни ривожлантиришга хизмат қилади.

Машғулотлар якуни бўйича тингловчиларга сертификатлар берилади.