Россия Федерациясининг Иқтисодиёт Олий мактаби вакили билан учрашув

Бош прокуратура Академиясига Россия Федерациясининг “Иқтисодиёт Олий мактаби” Миллий тадқиқот университети Коррупцияга қарши курашиш маркази директори Конов Алексей Владимировичнинг ташрифи амалга оширилди.

Учрашув давомида меҳмон Академия фаолияти йўналишлари, шу жумладан Коррупцияга қарши курашиш илмий-таълим маркази томонидан амалга оширилаётган ишлар билан яқиндан таништирилди.

Томонлар коррупцияга қарши курашиш соҳасига алоҳида урғу қаратдилар ҳамда россиялик эксперт томонидан Иқтисодиёт Олий мактаби Коррупцияга қарши марказининг бу борадаги фаолияти ҳақида маълумот бериб ўтилди.

Учрашув якунида тарафлар ўзаро ҳамкорликни давом эттиришга келишиб олдилар.