Сайёр ўқув-амалий машғулотлари ўтказилди

Ҳудудий прокуратуралар иш фаолияти билан яқиндан танишиш мақсадида Бош прокуратура Академияси раҳбар кадрларни қайта тайёрлаш курси тингловчилари иштирокида жорий йилнинг 27-30 май кунлари Сурхондарё вилоятида сайёр ўқув-амалий машғулотлари ўтказилди.

Сайёр машғулотлар давомида Сурхондарё вилоят прокуратураси ҳамда Узун туман прокуратурасининг ижобий иш тажрибалари ўрганилди.

Бундан ташқари, ишлаб чиқариш ва хизмат кўрсатиш соҳасида ижобий ютуқларга эришаётган тадбиркорлик субъектлари фаолияти билан яқиндан танишилди.

Шунингдек, вилоятнинг диққатга сазовор жойлари, тарихий-археологик ёдгорликлари, маданият масканларига ташрифлар уюштирилди.

Мазкур сайёр машғулотлар тингловчиларнинг прокуратура органлари ижобий иш амалиётини ўзлаштириш, ўзаро тажриба алмашиш ҳамда келгусида фаолият самарадорлигини яна оширишга хизмат қилади.