Аграр ва озиқ-овқат соҳасидаги қонунчилик устидан назорат бўйича малака ошириш курси якунланди

Бош прокуратура Академиясида Аграр ва озиқ-овқат соҳаларини ривожлантиришга оид қонунчилик ижроси устидан назорат йўналишида фаолият юритувчи туман (шаҳар) прокурорларининг ёрдамчилари учун мазкур йўналишда малака ошириш курслари ўз ниҳоясига этди.

Курс аралаш таълим форматида ташкил этилиб, унда тигловчилар ишдан ажралмаган ҳолда масофавий таълим олдилар ҳамда олинган билимларни мустаҳкамлаш мақсадида Бош прокуратура Академиясида кундузги таълим тарзида ўтказилган ўқув машғулотларида иштирок этдилар.

Курс доирасида Академия профессор-ўқитувчилари томонидан тингловчиларга қонунчиликдаги янгиликлар, ҳуқуқни қўллаш амалиётидаги тизимли муаммо ва камчиликлар, уларни бартараф этиш йўллари ҳамда аграр ва озиқ-овқат соҳаларида қонун ҳужжатлари ижроси устидан прокурор назоратининг йўналишлари бўйича ўқув машғулотлари ўтказилди.

Шу билан бирга, тингловчилар қишлоқ хўжалиги мақсадларида ер участкаларини ажратиш, сув ва гидротехника иншоотларидан фойдаланиш ҳамда сақлаш, мева-сабзавотчилик ва полизчилик, чорвачилик ва наслчиликка оид қонунчилик ижроси устидан прокурор назоратини ташкил қилиш каби қатор долзарб масалалар бўйича билим ва кўникмаларини ошириш имконига эга бўлишди.