Ўрмон хўжалиги давлат қўмитаси ходимлари учун масофавий малака ошириш курси якунланди

Бош прокуратура Академияси томонидан Ўзбекистон Республикаси Ўрмон хўжалиги давлат қўмитасининг навбатдаги гуруҳи учун “Коррупцияга қарши курашиш бўйича самарали идоравий чора-тадбирлар ташкил этилишини таъминлаш” мавзусида қисқа муддатли масофавий малака ошириш курси якунланди.

Курс давомида қўмита ходимлари коррупция тушунчаси, шакллари ва сабаблари, коррупцияга қарши курашиш соҳасида комплаенс-назорат тизимининг ўрни ва аҳамияти, коррупциявий хавф-хатарлар, манфаатлар тўқнашуви ва уни олдини олиш масалалари, давлат хизматчиларининг одоб-ахлоқ қоидалари ва коррупция учун жавобгарлик каби мавзуларда ўз билим ва малакаларини ошириб олишди.

Ўқув курсини муваффақиятли тамомлаган тингловчиларга белгиланган намунадаги сертификатлар тақдим этилди.