Таълимнинг юқори сифатини таъминлаш йўлида идоралараро ҳамкорлик кучайтирилмоқда

Академияда ўтказилаётган “Прокуратура органларида раҳбарлик лавозимларини эгаллаш учун захирада турган кадрларни касбий қайта тайёрлаш” курси тингловчиларнинг назарий билим ва амалий кўникмаларини мустаҳкамлаш мақсадида машғулотларга ваколатли вазирлик ва идораларнинг масъул ходимлари мунтазам жалб этиб келинмоқда.

Навбатдаги бинар ўқув машғулот “Мажбурий меҳнат тушунчаси, турлари ва жавобгарлик асослари” мавзусида Ўзбекистон Республикаси Бандлик ва меҳнат муносабатлари вазирлиги Давлат меҳнат инспекцияси бошлиғи Қ.Одинаев ҳамда Академия кафедра катта ўқитувчиси А.Ахмедов томонидан ҳамкорликда ўтказилди.

Машғулот давомида тингловчиларнинг қизиқтирган саволларига жавоб бериш билан бирга, амалдаги қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари ҳамда мажбурий меҳнатга қарши курашишга оид қонунчилик ижроси устидан прокурор назоратини амалга оширишнинг бошқа долзарб масалаларни юзасидан тушунтиришлар берилди.