Соғлиқни сақлаш тизими масъул ходимлари учун навбатдаги масофавий малака ошириш курси тамомланди

Соғлиқни сақлаш тизимида “Коррупциясиз соҳа” лойиҳасини амалга ошириш юзасидан 2022–2023 йилларга мўлжалланган “Йўл харитаси”га асосан республикадаги 43 та шифохона ва поликлиникалар бош шифокорлари учун “Коррупцияга қарши курашиш бўйича самарали идоравий чора-тадбирлар ташкил этилишини таъминлаш” мавзусида навбатдаги қисқа муддатли масофавий малака ошириш курси тамомланди.

Мазкур курс дастури доирасида тиббиёт муассасалари раҳбарлари коррупцияга қарши курашиш соҳасида комплаенс-назорат тизимининг ўрни ва аҳамияти, коррупциявий хавф-хатарларни аниқлаш ва уларнинг олдини олиш, манфаатлар тўқнашувини тартибга солиш ҳамда коррупция учун ўрнатилган жавобгарлик каби мавзуларда ўз билим ва малакаларини оширишди.

Ўқув курсини муваффақиятли якунлаган тингловчиларга сертификатлар тақдим этилди.

Академия томонидан ташкил этилган масофавий малака ошириш курсларида ҳозирги кунга қадар Соғлиқни сақлаш тизимида фаолият кўрсатаётган 75 нафар масъул ходим малака ошириб, 122 нафар раҳбар ходим таҳсил олиб келмоқда.