Коррупцияга оид статистик ва таҳлилий маълумотларни шакллантириш мавзусида халқаро давра суҳбати ўтказилди

Бош прокуратура Академияси Коррупцияга қарши курашиш агентлиги ва бошқа давлат органлари, илмий муассасалар билан ҳамкорликда ҳамда БМТнинг Гиёҳвандлик ва жиноятчилик бўйича бошқармасининг Марказий Осиёдаги ваколатхонаси кўмагида “Коррупцияга оид статистик ва таҳлилий маълумотларни шакллантиришдаги муаммо ва ечимлар” мавзусида халқаро давра суҳбати ўтказилди.

Халқаро давра суҳбатида Агентлик, Бош прокуратура Академияси, ИИВ Академияси, Олий суд, Давлат статистика қўмитаси вакиллари ҳамда БМТ ГЖБ ва “Минтақавий мулоқот” ХННТ экспертлари иштирок этди.

Академиянинг Коррупцияга қарши курашиш илмий-таълим маркази бошлиғи ю.ф.д., профессор Б.Исмаилов ўз чиқишида коррупцияга оид ҳуқуқбузарликларнинг олдини олишда илмий-тадқиқот фаолиятнинг ўрни ва Академия томонидан бу борада амалга оширилаётган чора-тадбирлар ҳақида маълумот берди ҳамда соҳадаги фаолиятни такомиллаштириш юзасидан бир қатор таклиф ва тавсияларни ўртага ташлади.

Давра суҳбати давомида иштирокчилар томонидан коррупцияга оид статистик маълумотларни тўплаш ва таҳлил қилишдаги муаммоларни эътироф этиб, бу борадаги фаолиятни ижобий хорижий тажриба асосида янада такомиллаштириш, шу жумладан ваколатли органлар томонидан мувофиқлаштирилган ягона миллий статистик маълумотларни юритиш бўйича таклиф ва тавсиялар ишлаб чиқилди.