HELP 2022 ҳамжамияти конференциясида иштирок этилди

Европа Иттифоқи/Европа Кенгашининг «Марказий Осиёда қонун устуворлиги» дастурининг «Марказий Осиёда HELP» лойиҳаси доирасида Бош прокуратура Академияси вакиллари юридик соҳа вакиллари учун инсон ҳуқуқлари бўйича таълим бўйича йиллик HELP конференцияси тадбирининг иккинчи кунида иштирок этдилар.

Конференция инсон ҳуқуқлари бўйича таълимни такомиллаштириш йўллари, Европа Кенгашининг HELP дастури ва унинг ҳамкорлари ўртасидаги минтақавий ва икки томонлама ҳамкорликни муҳокама қилишга бағишланди.

Aкадемия бошлиғи ўринбосари У.У.Нигмаджанов “Ўзбекистонда HELP модулларининг аҳамияти ва улардан фойдаланиш аспектлари” мавзусида маъруза билан тадбир иштирокчиларига инсон ҳуқуқлари бўйича таълимни ривожлантириш, модулларни мамлакатимиз шароитларига мослаштириш ва контекстуаллаштириш масалалари ҳақида маълумот берди.

Конференция давомида турли мавзуларда янги HELP курслари ҳам тақдим этилди.