Магистратура тингловчиларининг якуний давлат аттестацияси ўтказилмоқда

Ўзбекистон Республикаси Бош прокуратураси Aкадемиясида “Прокурорлик фаолияти”, “Тергов фаолияти”, “Коррупцияга қарши кураш”, “Инсон ҳуқуқларига оид халқаро ҳуқуқ” йўналишлари магистрантлари учун якуний давлат аттестацияси ўтказилди.

Якуний давлат аттестацияси жорий йилнинг 4-5 июль кунлари Бош прокуратуранинг тажрибали амалиётчи ходимлари, Академия ва бошқа ҳамкор олий таълим муассасаларининг профессор-ўқитувчилари, шунингдек Бош покуратуранинг Жамоатчилик кенгаши вакилларидан иборат Давлат аттестация комиссияси томонидан ташкил этилди.

Тингловчилар ўқув йили давомида ўзлаштирган мутахассислик фанларидан вазиятли масалалар, норматив-ҳуқуқий ҳужжатлар нормаларига асосланган ва амалиёт билан бевосита боғлиқ бўлган саволларга жавоб бердилар.

Тингловчилар давлат аттестациясининг ушбу босқичини муваффақиятли якунлаб, жорий йилнинг 13-15 июль кунлари бўлиб ўтадиган магистрлик диссертацияларининг дастлабки ҳимоясига тайёрланишмоқда.