Magistratura tinglovchilarining yakuniy davlat attestatsiyasi o‘tkazilmoqda

O‘zbekiston Respublikasi Bosh prokuraturasi Akademiyasida “Prokurorlik faoliyati”, “Tergov faoliyati”, “Korrupsiyaga qarshi kurash”, “Inson huquqlariga oid xalqaro huquq” yo‘nalishlari magistrantlari uchun yakuniy davlat attestatsiyasi o‘tkazildi.

Yakuniy davlat attestatsiyasi joriy yilning 4-5 iyul kunlari Bosh prokuraturaning tajribali amaliyotchi xodimlari, Akademiya va boshqa hamkor oliy ta’lim muassasalarining professor-o‘qituvchilari, shuningdek Bosh pokuraturaning Jamoatchilik kengashi vakillaridan iborat Davlat attestatsiya komissiyasi tomonidan tashkil etildi.

Tinglovchilar o‘quv yili davomida o‘zlashtirgan mutaxassislik fanlaridan vaziyatli masalalar, normativ-huquqiy hujjatlar normalariga asoslangan va amaliyot bilan bevosita bog‘liq bo‘lgan savollarga javob berdilar.

Tinglovchilar davlat attestatsiyasining ushbu bosqichini muvaffaqiyatli yakunlab, joriy yilning 13-15 iyul kunlari bo‘lib o‘tadigan magistrlik dissertatsiyalarining dastlabki himoyasiga tayyorlanishmoqda.