Давлат органлари ва бошқа ташкилотларнинг масъул ходимлари учун масофавий малака ошириш курси ўтказилди

Бош проратура Академияси томонидан Ўзбекистон Республикаси Коррупцияга қарши курашиш миллий кенгашининг 2022 йил 1-ярим йиллигига мўлжалланган иш режасига асосан давлат органларининг коррупцияга қарши курашиш тузилмалари ходимлари учун махсус ўқув курсларида таълим олишлари ташкил этилмоқда.

Хусусан, Академияда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Инновацион ривожланиш вазирлиги, Мактабгача таълим вазирлиги, Транспорт вазирлиги, “Автомобиль йўллари қўмитаси ҳузуридаги Умумий фойдаланишдаги автомобиль йўлларини қуриш ва реконструкция қилиш дирекцияси” ДУК ва АТ “Алоқабанк”нинг коррупцияга қарши курашишга масъул бўлган ходимлари учун “Коррупцияга қарши курашиш бўйича самарали идоравий чора-тадбирлар ташкил этилишини таъминлаш” мавзусида қисқа муддатли масофавий малака ошириш курси ташкил этилди.

Масофавий курс якунида тингловчилар билимлари тест синовлари орқали текширилиб, юқори баҳо олган ходимларга сертификатлар топширилди.

Охирги тўрт ой ичида Академияда давлат органлари ва бошқа ташкилотларнинг 550 дан зиёд нафар ходимлари коррупцияга қарши курашиш соҳасида ўқитилиши таъминланган.