Идоралараро ҳамкорлик кучайтирилмоқда

Академияда ўтказилаётган прокуратура органларида раҳбарлик лавозимларини эгаллаш учун захирада турган кадрларни касбий қайта тайёрлаш курси ўқув машғулотлари давом этмоқда. Курс доирасида тингловчиларнинг назарий билим ва амалий кўникмаларини мустаҳкамлаш мақсадида машғулотларга Академия профессор-ўқитувчилари билан бирга ваколатли вазирлик, идоралар ва муассасаларнинг раҳбар ва ходимлари жалб этиб келинимоқда.

Навбатдаги бинар ўқув машғулоти “Ерга оид қонунчилик ижроси устидан прокурор назоратини ўрнатишнинг ўзига хос услублари ва хусусиятлари” мавзусида Академия кафедра ўқитувчиси У.Каримов томонидан Ўзбекистон Республикаси Давлат солиқ қўмитаси ҳузуридаги Кадастр агентлиги ва Қишлоқ хўжалиги вазирлиги мутасадди ходимлари иштирокида ташкил этилди.

Бинар машғулот давомида тингловчилар амалдаги қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари, ерга оид қонунчилик ижроси устидан прокурор назоратини самарали амалга оширишнинг долзарб масалаларини амалиётчилар иштирокида кўриб чиқишди, шунингдек, тингловчилар ўзларини қизиқтирган саволларига жавоб олишди.