Монополияга қарши курашиш қўмитаси ходимлари учун масофавий малака ошириш курси тамомланди

Бош прокуратура Академиясида Ўзбекистон Республикаси Монополияга қарши курашиш қўмитасининг ходимлари учун ташкил этилган “Коррупцияга қарши курашиш бўйича самарали идоравий чора-тадбирлар ташкил этилишини таъминлаш” мавзусида навбатдаги қисқа муддатли масофавий малака ошириш курси тамомланди.

Масофавий ўқув курси давомида Қўмита ходимлари коррупция, унинг шакллари, идора даражасида мазкур иллатга қарши курашиш, коррупциявий хавф-хатарларни аниқлаш ва уларнинг олдини олиш, манфаатлар тўқнашувининг олдини олиш ва уларни тартибга солиш юзасидан ўз вақтида чора-тадбирларни кўриши, коррупция ҳуқуқбузарликлари учун миллий қонунчиликда белгиланган жавобгарлик чоралари каби мавзуларда ўз билим ва малакаларини оширишди.

Ўқув курси якунида ижобий баҳоланган ходимларга сертификатлар тақдим этилди.